منهج والدورف يهتم جدا بربط الطفل بالطبيعة و من الحاجات الجميلة لربط الطفل بيها هي تخصيص رف او تربيزة بسبطة في البيت لاي شيء ممكن الطفل يحب يجمعه من الطبيعة بعد نزهة الطبيعة. هنا في الصورة فازة بنجمع فيها البذور اللي ساعات بنلاقيها واقعة من الشجر و بعض اوراق الشجر و كمان زهور و اضافتلهم شمعة بلون فصل الخريف بشتعلها وقت قراءة القصة و عند الانتهاء بيطفوها . و كل مرة بنخرج فيها في الطبيعة بنرجع بحاجات جديدة اثارت اهتمامهم و حبوا يحتفظوا بيها. المفرش الموجود دا مفرش طعام لقيته من الخشب و مرسوم عليه اوراق الخريف ف ضعته لمناسبته للفصل. كمان الحاجات اللي بنجمعها بنحاول نعمل بيها حاجات جميلة مثلا الزهور عملنا بيها عمل فني و الورق قمنا بطباعته بالوان الشمع للتعرف عليه لما نوصل لاشكال اوراق الشجر في العلوم. باءذن الله هضيف كل تطبيقاتنا اول باول. دمتم سالمين 🌹
ليست هناك تعليقات:
إرسال تعليق